(سبەی):
وەزيرى وزەى عەرەبستانى سعوديە بەسەردانێك گەيشتە بەغدا و رايگەياند: لەگەڵ حكومەتى عێراق هەماهەنگيى تەواو دەكەن، لە سەرجەم بوارەكاندا.
خالید فالح، وەزيرى وزەى سعوديە، بە ياوەريى شاندێك گەيشتە عێراق و بڕيارە لەگەڵ بەرپرسانى عێراق چەند كۆبونەوەو ديدارێك ئەنجام بدات.
لە چلوچوارەمين خولى پێشانگەى نێودەوڵەتيى بەغدا، وەزيرى وزەى سعوديە رايگەياند: هەردو حكومەتى رياز و بەغدا رۆڵى باشيان بينيوە لە سەقامگيركردنى نرخى نەوت لە بازاڕەكانى جيهاندا.
وتيشى :”هەماهەنگييەكانيان لەگەڵ حكومەتى عێراق بەرفراوانتر دەكەن لەسەرجەم ئاستەكانى وزە و بازرگانی و گۆڕينەوەى توانا و پسپۆرييەكان و كەرتى كارەبا و پيشەسازی”.
وەزيرى وزەى سعوديە باسى لەوەكرد، هەماهەنگيى و هاوكاريى نێوان بەغدا و رياز، لە بەرژەوەنديى هەردو وڵاتدايە، بۆيە سعوديە دەيەوێت لاپەڕەيەكى نوێ لەگەڵ عێراق هەڵبداتەوە.
