هێزه‌ عێراقییه‌كان به‌ ئاراسته‌ی‌ قائیم و راوه‌ پێشڕه‌ویی‌ ده‌كه‌ن

(سبه‌ی‌):

له‌ سێیه‌م رۆژی‌ ئۆپه‌راسیۆنی‌ كۆنترۆڵكردنه‌وه‌ی‌ ناوچه‌كانی‌ خۆرئاوای‌ پارێزگای‌ ئه‌نباردا، هێزه‌ عیراقیه‌كان به‌ ئاراسته‌ی‌ هه‌ردو قه‌زای‌ قائیم و راوه‌ له‌پێشڕه‌وی به‌رده‌وامن.

ده‌سته‌ی‌ راگه‌یاندنی‌ جه‌نگی‌ بڵاویكرده‌وه‌، هێزه‌كانی‌ سوپای‌ عێراق و حه‌شدی‌ شه‌عبی‌ گونده‌كانی‌ ئه‌لعه‌وانی‌، جه‌بابی‌ باكور و زه‌لله‌یان له‌ نزیك قه‌زای‌ راوه‌ كۆنترۆڵكردوه‌ و توانیویانه‌ (25) چه‌كداری‌ داعش له‌و سێ‌ گونده‌ بكوژن.

هه‌روه‌ها راگه‌یاندنی‌ حه‌شدی‌ شه‌عبی‌ بڵاوكرده‌وه‌، هێزه‌كانیان به‌درێژایی‌ (9) كیلۆمه‌تر له‌ میحوه‌ری‌ باشوری‌ قه‌زای‌ قائیم پێشڕه‌ویان كردوه‌ و له‌ پێشڕه‌ویش به‌رده‌وامن.

حه‌شدی‌ شه‌عبی‌ له‌ راگه‌یه‌ندراوێكدا ئاماژه‌ی‌ بۆ ئه‌وه‌شكردوه‌، هێزه‌ ئه‌منیه‌كانی‌ عێراق و حه‌شدی‌ شه‌عبی‌ ته‌نها پێنج كیلۆمه‌تر له‌ ناوه‌ندی‌ قه‌زای‌ قائیمه‌وه‌ دورن.

 

وەڵامێك بەجێ بهێڵە

تکایە لێدوانی خۆت داخڵ بکە
تکایە ناوت لێرە داخڵ بکە