(سبەى):
وەک بڕیاریان لێدابو، خۆپیشاندان و گردبونەوەى مامۆستایان لە شار و شارۆچکەکانى هەرێم دژى پیشێلکردنى مافەکانیان لەلایەن حکومەتەوە دەستیپێکرد.
لە شارى سلێمانى مامۆستایان بۆ دەربڕینى ناڕەزایەتیەکانیان لەبەردەم بەڕێوەبەرایەتى پەروەردەى رۆژئاوا دەستیپێکرد، هاوکات مامۆستایانى هەڵەبجە و گەرمیان و کۆیە خۆپیشاندان و گردبونەوەى ناڕەزایەتییان رێکخستوە و داواى جێبەجێکردنى داواکارییەکان و بەڵێنەکانى پێشوى حکومەت دەکەن.
نیگەرانى مامۆستایان لەکاتێکدایە کە تائێستا حکومەت نەیتوانیوە نیوە موچەى مانگى ئاب بە سیستمى پاشەکەوتى زۆرەملێش دابین بکات.