تورکیا؛ پێشوازیی لە هەڵوەشاندنەوەی ریفراندۆم دەکات

بەریفراندۆمێکی هەڵە، خەونی سەربەخۆییان لەباربرد

(سبەی):

توركیا پێشوازی له‌ بڕیاره‌كه‌ی‌ دادگای‌ باڵای‌ فیدراڵی‌ عێراق ده‌كات بۆ هه‌ڵوه‌شاندنه‌وه‌ی‌ ریفراندۆمه‌كه‌ی‌ هه‌رێم و داوای ره‌چاوكردنی‌ بڕیاره‌كه‌ ‌و جێبه‌جێكردنی دەکات‌.

وه‌زاره‌تی‌ ده‌ره‌وه‌ی‌ توركیا له‌ به‌یاننامه‌یه‌كدا، رایگەیاند: بڕیاره‌كه‌ی‌ دادگای‌ فیدراڵی‌ عێراق، له‌ جێگای‌ خۆیدا بوه‌ ‌و ریفراندۆمه‌كه‌ی‌ هه‌رێمی کوردستان پێچه‌وانه‌ی‌ ده‌ستوری‌ عێراق بوه‌.

تورکیا بەپێویستی دەزانێت؛ سه‌رجه‌م لایه‌نه‌ په‌یوه‌ندیداره‌كان رێز له‌ بڕیاره‌كه‌ی‌ دادگای‌ فیدراڵی‌ بگرن ‌و به‌شێوه‌یه‌كی‌ ته‌واوه‌تی‌ جێبه‌جێی‌ بكه‌ن.

وه‌زاره‌تی‌ ده‌ره‌وه‌ی‌ توركیا رایگه‌یاندوه‌: ریفراندۆمه‌كه‌ی‌ باكوری‌ عێراق پێچه‌وانه‌ی‌ خواستی‌ كۆمه‌ڵگه‌ی‌ نێوده‌وڵه‌تی‌ بو‌، حكومه‌تی‌ ئه‌نكه‌ره‌ش هه‌ر له‌ سه‌ره‌تاوه‌ به‌هه‌نگاوێكی‌ نادروست له‌قه‌ڵه‌می‌ داوه‌.

 

وەڵامێك بەجێ بهێڵە

تکایە لێدوانی خۆت داخڵ بکە
تکایە ناوت لێرە داخڵ بکە