(سبەى):
جهلال جهوههر، ئهندامی خانهی راپهڕاندنی بزوتنهوهی گۆڕان، سوربونی بزوتنهوهكه لهسهر ههڵوهشاندنهوهی حكومهتی ههرێم دوپاتدهكاتهوه و دهڵێت: “حکومەت لهسهرجهم بوارهكاندا شكستیهێناوه و سهراپای گهندهڵیه”.
جهلال جهوههر، بە دهنگی ئهمەریكا-ى راگهیاندوه؛ روبهڕو به وهفدی حكومهتیان وتوه كه ئهم حكومهته لهسهرجهم بوارهكاندا شكستیهێناوه و دهبێت ههڵبوهشێتهوه. هەروەها پرۆژهیهكیان داوهته وهفدهكه بۆ پێكهێنانی حكومهتی كاتی كه سێ ئهركی گرنگی دهبێت، ئهوانیش ئامادهكاری بۆ ههڵبژاردن و پێكهێنانی وهفد بۆ گفتوگۆ لهگهڵ بهغدا و باشكردنی بژێوی خهڵك.
لهبارهی گهڕانهوهی وهزیرهكانی گۆڕان بۆ ناو حكومهت، ئاماژەى بەوەکردوە؛ حكومهت ئیرادهی لهدهستی خۆیدا نیه بۆیه رێگهیاننهداوه وهزیرهكان بگهڕێنهوه، لهبهرئهوه دهبێت ههرچی زوه دهستلهكاربكێشنهوه، چونكه بههیچ جۆرێك بڕوایان بهم حكومهته نهماوه تا وهزیرهكانیان بگهڕێنهوه.
هەروەک باسی لەناوەڕۆكی پڕۆژەكەی بزوتنەوەی گۆڕان كرد، كە لەكاتی سەردانی شاندی حكومەتی هەرێم بۆ لای لایەنەكان پێشكەشیان كردو وتی: “ناوەڕۆكی پڕۆژەكەیان لەهێڵە گشتییەكاندا یەك دەگرێتەوە لەگەڵ ئەو بەیاننامەیەی، كە پێشتر هەرسێ لایەنەكە (بزوتنەوەی گۆڕان، كۆمەڵی ئیسلامی، هەروەها هاوپەیمانی دیموكراسی) دەریان كرد. پڕۆژەكەمان، كە دایە شاندەكەی حكومەت بۆ خۆی بۆ ئەركەكانی ئەو حكومەتە كاتییەیە، كە سێ ئەركی سەرەكیو گرنگە لەوانە، ئامادەكاری بۆ هەڵبژاردنێكی پاكوبێگەرد بكرێت، دوەم، پێكهێنانی شاندێكی باڵای گفتوگۆكردن بۆ بەغدا، كە گفتوگۆ بكات لەسەر هەمو ئەو گیروگرفتانەی لەنێوان هەرێمو بەغدا هەن، هەروەها سێیەم ئەركیشی بریتی بێت، لەدابینكردنی خزمەتگوزاری گشتیو موچەی فەرمانبەران.
جەلال جەوهەر دەڵێت: “پڕۆژەكە لەهێڵی گشتیدا گوزارشت بو لەبۆچونی سێ لایەنەكە (بزوتنەوەی گۆڕانو كۆمەڵی ئیسلامیو لیستی هاوپەیمانی دیموكراسی، بەڵام بەشێوازە تەفاسیلییەكەی هی بزوتنەوەی گۆڕان بو”.
ئاماژەی بەوەکرد “شاندەكەی حكومەت، كە هاتنە لای بزوتنەوەی گۆڕان، ئەوان هاتبون وەك حكومەت بەرگریییان لەخۆیان دەكرد، بەڵام ئێمە رامان وابو، كە ئەم حكومەتە ئیرادەی بەدەست خۆی نییە، دوەم لەسیاسەتی ئابوریو موچەو خزمەتگوزاری شكستیان خواردوە، لەپەیوەندی لەگەڵ بەغدا شكستیان خواردوە واتە بەكورتی لەڕوی خۆیان پێمان وتن سەرلەبەری حكومەتەكە شكست خواردوە، بەڵام ئەوان بەرگرییان كردو وتیان دەكرێت گۆڕانكاری لەم حكومەتەدا بكەینو چاكی بكەین، بەڵام ئەو قسەیەشیان كرد، وتیان ئێمە دژی حكومەتی كاتی نین”.
سەبارەت بەوەی ئەگەر ئەمجارەش وەڵامی پڕۆژەكەیان نەدرایەوە هاوشێوەی جارانی پێشوتر هەڵوێستیان چی دەبێت؟ جەلال جەوهەر وتی: “ئێمە وەك بزوتنەوەی گۆڕان وەك بەرپرسیارییەتییەكی نیشتیمانیو خەمخۆریمان لەسەر ئایندەی وڵاتمان ئەم ئەركە جێبەجێدەكاتو بزوتنەوەی گۆڕان لەو روەوە بەردەوامدەبێتو هەمو هەڵو كۆششێك دەكات بۆ ئەوەی ئەم بارە راست بكاتەوە، خۆ ئەگەر ئەم پرۆژەیەش سەری نەگرت ئەوا لەهەوڵی مەدەنیانەی خۆمان بەردەوام دەبین، بەدڵنییاییەوە ئەوانیش ئەگەر گوێ لەمیللەتو لایەنە سیاسییەكان نەگرن رۆژگاری رەشتر خراپتر لە (١٦) ئۆكتۆبەر چاوەڕێیان دەكات، هەمو ئەو گیرو گرفتانەی توشی ئەم میللەتە بوە هۆكارەكەی ئەوەیە، كە ئەم دەسەڵاتدارانە هەر بیریان لای پارەو خۆیان بوە لەپێشوتردا گوێیان نەگرتوە بۆ هیچ كەس”.
لەوەڵامی ئەو پرسیارەی كێ سەرۆكایەتی ئەم حكومەتە دەكاتو چۆنە؟ وتی: “جارێك بزانین وەك مەبدەئی پێیان قبوڵە، هێشتا قسە لەسەر ئەوە نەكراوە كێ بكرێتە سەرۆكی ئەو حكومەتە، قسەش كرابێت نەبوەتە بڕیار، ئەو برادەرانەی ئێستا سەرۆكایەتی حكومەت دەكەن، كە سەرۆكەكەی لەپارتی دیموكراتی كوردستانەو جێگرەكەشی لەیەكێتی نیشتمانی كوردستان، پشتگیرییەكی نێودەوڵەتیان هەیە بەپێی زانیاری ئێمە بەشێك لەلایەنە عێراقییەكانیش لەگەڵ مانەوەی ئەوانن، تا ئێستا هەر ئەوانن بەڕاستی، بەڵام ئێمە وەك بڕیار، بڕیاری كۆتاییمان وەرنەگرتوە، چۆن مامەڵە بكەین، ئێمە مەبدەئەكەمان پێ گرنگ بو قبوڵی بكەن، ئەگەر قبوڵیان كرد وەك كوردەواری دەڵێت: (ئەو خەمە بۆ ئەو دەمە)”.
جەلال جەوهەر لەبارەی رێگای پێكهێنانی حكومەتو بەشداری لایەنەكان زیاتر رونیكردەوەو وتی: “ئێمە دەبێت ئەو گۆڕانكارییە لەڕێگای پەرلەمانەوە بكەین، وەك دەزانرێت هەرسێ لایەنەكەمان ناگاتە (٤٠) كورسی، بۆیە بەدڵنیاییەوە پێویستمان بەدەنگی لایەنەكانی ترە بۆ متمانەدان بەو حكومەتە كاتییە، بەدڵنیاییەوە یەكێتیو پارتیش بەشدار دەبن، بەڵام كێ سەرۆكایەتی دەكات؟ ئەوە نازانرێت”.
دەربارەی هۆكاری دەستلەكارنەكێشانەوەی وەزیرەكانی بزوتنەوەی گۆڕان لەكاتێكدا خۆیان دەڵێن حكومەتەكە گەندەڵەو شكستخواردوە؟ جەلال جەوهەر وتی: “وەك دەزانرێت ئەو بابەتە پێش كاراكردنەوەی پەرلەمان بابەتێكی سیاسی بو، هەندێك لەوەزیرەكانمان چەندین جار دەستی لەكاركێشاوەتەوە، بەڵام بزوتنەوەی گۆڕان لەبەر هەندێك ئیعتباراتی سیاسی، رەنگە ئێستا جێگای وتن نەبێت هێشتونییەتییەوە، ئەگەرنا دەزانین دوای ئەو دو ساڵە هەرچی بڵێی بنەمای حكومەت لەم حكومەتەدا نییە، حكومەتێكە ئیرادەی لەدەست خۆیدا نییەو ئاڕاستە دەكرێتو دەهێنرێتو دەبرێت، بۆیە رێگەشمان نەداوە بگەڕێنەوە ناو ئەو حكومەتە، بەڵام دەبێت هەرچی زوە وەزیرەكانی بزوتنەوەی گۆڕانە دەست لەكاربكێشنەوە”.
وتیشی: “ئەمجارەش لەكۆبونەوەكەدا سەرۆكی حكومەتو جێگرەكەیو تەنانەت شاندی پارتیش، كە هاتوەتە لامان ستایشی وەزیرەكانی گۆڕانیان كردوە، بەڵام هۆكاری نەچونە دەوامی وەزیرەكانمان خۆیان نەبون، بەڵكو ئیزن دانیانو داگیركردنی هەولێر بوە، ئێمە بەهیچ جۆرێك بڕوامان بەم حكومەتە نەماوە تا وەزیرەكانمان بگەڕێنەوە ئەگەر بڕوامان پێیبوایە داوای حكومەتی رزگاری نیشتمانیو كاتیمان لەگەڵ دو لایەنەكەی تر نەدەكرد”.
دەربارەی پۆستی سەرۆكی پەرلەمان، وتی: “ئێمە ئێستا لەگفتوگۆداین لەسەر ئەو بابەتە، بەڵام بەشێكی دەوەستێتە سەر ئەو پڕۆژەیەی، كە ئێمە پێشكەشمان كردوە لەسەر حكومەتی كاتی، ئەگەر لەسەر حكومەتی كاتی رێك بكەوین قابیلی ئەوەیە لەسەر شتەكانی تریش رێكبكەوین”.