(سبەى):
سەرۆكی فەرەنسا گەیشتە دەوحە و لەگەڵ هێزەكانی هاوپەیمانان و بەرپرسانی باڵای قەتەر كۆبوەوە، راشیگەیاند: هەرچەندە شەڕی داعش بەمزوانە كۆتایی دێت، بەڵام ئەركی دیكەیان لە پێشە.
ئەمڕۆ پێنجشەممە، ئیمانوێل ماكرۆن، سەرۆك كۆماری فەرەنسا، بە یاوەریی وەفدێكی باڵا، بەسەردانێكی یەك رۆژە گەیشتە شاری دەوحەی پایتەختی قەتەر و بارەگای هێزەكانی هاوپەیمانانی بەسەر کردەوە و چەند پرسێكی لەگەڵ فەرماندە سەربازییەكان تاوتوێ كردوە.
دواتر سەرۆكی فەرەنسا لەگەڵ شێخ تەمیم بن حەمەد ئالسانی میری قەتەر كۆبوەوە و ئاماژەی بەوە كرد؛ پێویستە هەماهەنگییەكی باش هەبێت بۆ ئاڵۆگۆڕی زانیاریی لەنێوان وڵاتاندا، لەپێناو نەهێشتنی تیرۆر و توندوتیژی لە ناوچەی رۆژهەڵاتی ناوەڕاستدا.
