(سبەى):
پاش گەشتێكی دو رۆژە بۆ پاریسی پایتەختی فەرەنسا و بەشداریكردن لە كۆنگرەی نێودەوڵەتی كەشوهەوا و كۆبونەوە لەگەڵ سەرۆكی فەرنسا و سكرتێری گشتی نەتەوە یەكگرتوەكان، حەیدەر عەبادی سەرۆك وەزیرانی عێراق گەیشتەوە بەغدا.
لە وتارێكیدا كە لە كۆنگرەكە پێشكەشیكرد عەبادی رایگەیاند، خاكی عێراق لە تیرۆریستان پاككراوەتە و ئێستا بەرەو ئاوەدانكردنەوە و گرنگیدان بە ژینگە هەنگاو دەنێت، هەوڵێكی نێودەوڵەتیش هەیە بۆ پشتیوانیكردنی عێراق.
سەرۆك وەزیرانی عێراق راشیگەیاند، پێشمەرگە بەشێكە لە هێزەكانی عێراق و شانبەشانی هێزەكانی تر شەڕی لە دژی داعش كردوە.
ئاماژەی بۆ ئەوەشكرد؛ خواستێك هەبو بۆ ئەوەی لە رێگەی ریفراندۆمەوە ناكۆكی لە نێوان سوپا و پێشمەرگە دروست بكرێت، بەڵام ئێمە وتومانە پێشمەرگە بەشێكە لە هێزە عێراقیەكان و پێویستە هاوكاری بكرێن.
وتیشى:”ئەوە راستیە و ئێمە وای دەبینین کە یەكێك لە هۆكارەكانی سەرهەڵدانی تیرۆر بونی گەندەڵی بو، بۆیە روبەڕوبونەوەی گەندەڵی ئەركی سەركیمانە”.
