گۆڕان و هەدەپە لە هەولێر کۆبونەوە

(سبەی):

وه‌فدێكی‌ بزوتنه‌وه‌ی‌ گۆڕان له‌ هه‌ولێر سه‌ردانی‌ نوێنه‌رایه‌تی‌ پارتی دیموکراتی گەلان (هه‌ده‌په)‌ی‌ كرد و له‌ كۆبونه‌وه‌یه‌كدا په‌یوه‌ندییه‌كانی‌ نێوان هه‌ردولا تاوتوێ كران و جه‌ختیان له‌سه‌ر پته‌وتركردنی‌ په‌یوه‌ندییه‌كانی‌ نێوانیان کردەوە.

له‌و كۆبونه‌وه‌یه‌دا کە ئەمڕۆ شەممە بەڕێوەچو، هه‌ردولا هاوڕا بون له‌سه‌ر ئه‌وه‌ی‌ گفتوگۆ و دیالۆگ‌ باشترین بژارده‌یه‌ بۆ چاره‌سه‌ركردنی‌ په‌یوه‌ندییه‌كانی‌ نێوان هه‌ولێر و به‌غدا.

فاخر محه‌مه‌د، به‌رپرسی‌ په‌یوه‌ندییه‌كانی‌ مه‌كۆی‌ هه‌ولێری‌ بزوتنه‌وه‌ی‌ گۆڕان رایگەیاند؛ پێویستە ئێمە لەگەڵ هەدەپە و لایەنەکانی باشوری کوردستان بیر لە چارەسەری دۆخی خراپی هەرێمی کوردستان بکەینەوە و پشتیوانی یەکتر بین بۆ چارەسەری دۆخی نالەباری هاوڵاتیان.

وتیشی: ئێمە وەک بزوتنەوەکەمان پشتیوانیی لە عوسمان بایدەمیر دەکەین کە بەهۆی وتنی ناوی کوردستانەوە پەرلەمانی تورکیای هەژاند و پێویستە گرنگیی بە دۆخی باکوری کوردستان بدرێت.

 

وەڵامێك بەجێ بهێڵە

تکایە لێدوانی خۆت داخڵ بکە
تکایە ناوت لێرە داخڵ بکە