(سبەی):
راهێنەری یانەی ریاڵ مەدرید دان بەوەدا دەنێت، لەیارییەکانی ئەم دواییەدا زیاتر لە جاران لەنێو یاریگادا هاوار دەکات و دەنگ بەرز دەکاتەوە.
زێدان بە رۆژنامەی مارکای ئیسپانی راگەیاند؛ ئەم رۆژانە بەبەراورد بەکاتی دیکە زیاتر هاوار دەکەم، چونکە یارییەکانمان سەخت بون.
ئەولێدوانەی زیزۆ دوای کۆتایی هاتنی یاری نێوان ریاڵ مەرید و ریال بیتیس هات کە (5-3) لە بەرژەوەندی یانەی شاهانە کۆتایی هات.
زێدان ئاماژەی بەوەکرد، ئاستی ئەسینسیۆ و گۆڵەکانی زۆر باش بون، بەڵام ئەمانە هەموی هەوڵ و ماندوبونی تیمەکەیە، لەبارەی رۆناڵدۆشەوە زیزۆ باسی لەوەکرد، رۆناڵدۆ زۆر باشە و گۆڵی خۆی تۆمار دەکات و بەختەوەرە لە ریال، هەموشمان بەختەوەرین و لەماوەی پێنج یاری رابردودا خاوەنی (23) گۆڵین.