بەرشە بردیەوە و میسی ژمارەی پێوانەیی تۆمارکرد

(سبەی):

بە تۆمارکردنی گۆلێک و هەژاندنی تۆڕی گۆڵی ئەتلەتیکۆ مەدرید، میسی ژمارەی گۆڵەکانی گەیاندە (600) گۆڵ و ژمارەیەکی پێوانەیی نوێی شکاند.

لە چوارچێوەی یارییەکانی هەفتەی (27)ی خولی ئیسپانی، یانەی بەرشەلۆنە لە یاریگای کامپ نو میوانداریی یانەی ئەتلەتیکۆ مەدریدی رکابەری کرد و بە تۆمارکردنی گۆڵێک لە خولەکی (23)ی یارییەکە بە لێدانی راستەوخۆ لیۆنێل میسی ئەرجەنتینی و ئەستێرەی یەکەمی یانە کەتەلۆنییەکە ژمارەی گۆڵەکانی گەیاندە (600) گۆڵ، کە بۆ بەرشە و هەڵبژاردەی وڵاتەکەی تۆماری کردبێت.

بە تۆمارکردنی ئەو گۆڵە، میسی ژمارەی گۆڵەکانی گەیاندە (24) گۆڵ و لەوەشدا ریزبەندی یەکەمی گۆڵکارانی خولەکەی گرتوە.

میسی تەمەن (30) ساڵ لە ژیانی وەرزشی خۆیدا (539) گۆڵی بۆ یانەی بەرشەلۆنە لە (624) یاریدا تۆمارکردوە و (61) گۆڵی بۆ هەڵبژاردەی ئەرجەنین لە (123) یاریدا تۆمارکردوە.

بە تۆمارکردنی ئەو گۆڵە، کۆی خاڵەکانی یانە کەتەلۆنییەکە گەیشتە (69) و جیاوازی خاڵەکانی لەگەڵ ئەتلەتیکۆی دوەمی ریزبەندی بۆ هەشت خاڵ زیاد کرد، کە دوەمیان (61) خاڵی هەیە و ریاڵ مەدریدیش بە (54) خاڵ لە سێیەمی ریزبەندیدایە.

هاوکات، یانەی بەرشەلۆنە بەو گۆڵەی میسی، پێنجەم یانەیە کە ژمارەی گۆڵەکانی لەم وەرزەدا گەیشتوەتە (100) خۆڵ لە پێنج خولە بەهێزەکەی جیهان و پاریس سانجێرمان بە تۆمارکردنی (140) گۆڵ یەکەمی ریزبەندییەو دوای ئەو مانچستەر سیتی (117) گۆڵ و ریاڵ مەدرید (106) گۆڵ و چوارەمیش لیڤەرپولە کە (105) گۆڵی تۆمارکردوە.

ئەو بابەتەی پەیوەندی بەم پۆستەوەیەوە زياتر لە نووسەرەوە

وەڵامێك بەجێ بهێڵە

تکایە لێدوانی خۆت داخڵ بکە
تکایە ناوت لێرە داخڵ بکە