(سبەی):
تورکیا داوا لە دەسەڵاتدارانى ئەڵمانیا دەکات ساڵح موسیلم دەستگیربکەن و رادەستى ئەنکەرەى بکەن.
دواى ئەوەى هەفتەى رابردو پاش دەستبەسەرکردنى لەسەر داواى تورکیا، دادگاى چیک ساڵح موسلیم بەرپرسی پەیوەندییەکانی دەرەوەی بزوتنەوەی کۆمەڵگەی یموکراتی (تەڤدەم) و هاوسەرۆکی پێشوی پارتی یەکێتی دیموکراتی (پەیەدە)ى ئازاد کرد و بە گەشتێک چوە ئەڵمانیا، ئێستا و بەپێى هەواڵێکى (ئەسۆشەیتد پرێس)؛ دەسەڵاتدارانى تورکیا داوا لە دەسەڵاتدارانى ئەو وڵاتە دەکەن دەستگیرى بکەن و رادەستى ئەنکەرەى بکەن.
ئەوە لەکاتێکدا لەو ماوەیەى لەلایەن پۆلیسى چیکەوە دەستبەسەرکرا، ئەردۆغان هەمو هەوڵەکانى لەرێگەى حکومەتەوە خستەگەڕ بۆ رادەستکردنى ساڵح موسلیم، بەڵام دواى وتە وەرگرتنى دادگاى چیک ئازادى کرد.
