(سبەی):
دادگای تاوانەکان، سزای لە سێدارەدان بەسەر خوشکێکی بەغدادیدا دەسەپینێت، بە تۆمەتی هاوکاریی کردنی تیرۆرو پێشکەش کردنی پاڵپشتی لۆجیستی.
عەبدولستار بەیرەقدار، وتەبێژی ئەنجومەنی باڵای دادوەریی عێراق، ئەمڕۆ پێنجشەممە رایگەیاند: دادگای ناوەندی تاوانەکانی عێراق، سزای لەسێدارەدان تامردنی بەسەر خوشکێکی ئەبو عومەر بەغدادی سەرۆکی پێشوی رێکخراوی تیرۆریستی قاعیدەدا سەپاندوە و تاوانبارکراوە بەیارمەتیدانی رێکخراوە تیرۆریستییەکان.
رایگەیاند: خوشەکەکەی بەغدادی دانی بەوەداناوە کە ئەندامی رێکخراوی قاعیدە بوە و پاڵپشتی لۆجستی بۆ ئەو رێکخراوە دابین کردوە و یارمەتی و کارئاسانی بۆ کردون بۆ ئەنجامدانی کردەوە تاوانکارییەکانیان و هەروەها هاوکاریی دارایی بەسەر ئەندامانی قاعیدەدا دابەش کردوە لە موسڵ و بەپێی مادەی چوارەمی یاسای روبەڕوبونەوەی تیرۆر دادگایی کراوە و سزاکەی بەسەردا سەپێنراوە.
پێشتریش بە تۆمەتی ئەندامێتی لە رێکخراوی قاعیدە، هاوسەری ئەو ژنە (خوشکەکەی بەغدادی) کە یەکێک بوە لە سەرکردەکانی قاعیدە سزای لەسێدارەدانی بەسەردا سەپێنراوە.
