(سبەی):
وەزیری دەرەوەی تورکیا رایگەیاند: لەگەڵ بەغدا ئۆپەراسیۆنی هاوبەش بۆ سەر پەکەکە ئەنجامدەدەن و تا مانگی ئایاریش هێرشی سەر عەفرین بەردەوام دەبێت.
مەولود چاوشئۆغڵو، وەزیری دەرەوەی تورکیا لە لێدوانێکی رۆژنامەوانیدا رایگەیاند: ئۆپەراسیۆنی چڵەزەیتون بۆ سەر عەفرین لە مانگی ئایاری داهاتودا کۆتایی پێدەهێنین.
وتیشی :”دوای هەڵبژاردنەکانی عێراق لە مانگی ئایاری داهاتو، لەگەڵ بەغدا ئۆپەراسیۆنی هاوبەش لەسەر سنورەکان دژی پارتی کرێکارانی کوردستان ئەنجامدەدین”.
بەوتەی چاوشئۆغڵو؛ وڵاتەکەی توانای هەیە هەردو ئۆپەراسیۆنەکە پێکەوە و لەیەک کاتدا ئەنجامبدات.
لە رۆژی (20)ی کانونی دوەمەوە سوپای تورکیا و میلیشیاکانی سوپای ئازاد ئۆەپراسیۆنێکی هاوبەشیان بەناوی چڵەزەیتونەوە بۆ سەر کانتۆنی عەفرین دەستپێکردەوە و تائێستاش بەردەوامە.