(سبەى):
وەزیری ئابوری و بازرگانی قەتەر سەردانی ئێرانی كرد و داوا دەكات ئاستی ئاڵوگۆڕی نێوانیان بۆ پێنج ئەوەندەی ئێستا بەرزبكرێتەوە.
وەزارەتی دەرەوەی ئێران لە بەیاننامەیەكدا رایگەیاند لە كۆبونەوەی محەمەد جەواد زەریف وەزیری دەرەوەی ئێران و ئەحمەد بن جاسم ئال سانی وەزیری ئابوری و بازرگانی قەتەر هەردولا گفتوگۆیان لەسەر چۆنیەتی پەرەپێدانی ئابوری نێوان دەوحە و تاران كردوە.
هەر لەو بارەیەوە محەمەد شەریعەتمەدار وەزیری پیشەسازی و بازرگانی ئێران رایگەیاند؛ قەتەر پێشنیاریكردوە ئاستی ئاڵوگۆڕی بازرگانی نێوان ئێران و قەتەر كە ئێستا یەك ملیار دۆلارە بۆ پێنج ملیار دۆلار بەرزبكرێتەوە.
