(سبەى):
بڕیارە كۆتایی ئەم مانگە كۆڕبەندی ئابوری داڤۆس لە سەیرانگای داڤۆس لە سویسرا بەڕێوەبچێت و وەک وتەبێژى کۆشکى سپى ئاماژەى پێکردوە؛ دۆناڵد ترەمپ ئەمریكا بەنیازە بەشداری كۆڕبەندەکە بكات. .
سارە هەكابی ساندەرز، وتەبێژی كۆشكی سپی رایگەیاند؛ ترەمپ هەمو هەلێك دەقۆزێتەوە بۆ گفتوگۆكردن لەگەڵ سەرانی جیهان سەبارەت بە ئەجێنداكەی كە ناوی لێناوە “ئەمەریكا یەكەم”.
وتیشی: “ترەمپ دەیەوێت پەرە بە سیاسەتەكانی بەهێزكردنی بوارە بازرگانی و پیشەسازییەكان و رەخساندنی هەلی كاری زیاتر بۆ كرێكاران بدات”.
ساندەرز دەڵێت: “بیركردنەوەكانمان بەهیچ شێوەیەك نەگۆڕاون و بەڵكو زیاتر رونبوەتەوە، پەیامی سەرۆك تا رادەیەكی زۆر هەمان پەیامی ئێرەیە دەبێت، سەرۆك جەختدەكاتەوە لە پابەند بون بە بەرەوپێشبردنی ئەو سیاسەتانەی دەبنەمایەی بەهێزبونی بازرگانی ئەمەریكا و لە خزمەت كرێكارانی ئەمەریكا”.
