(سبەی):
هاوپەیمانی نێودەوڵەتی بۆ روبەڕوبونەوەی داعش رایدەگەیەنێت؛ پێشمەرگە و هێزەکانی عێراق رێککەوتن لەسەر راگەیاندنی ئاگربەست لە نێوانیاندا.
رایان دیلۆن، وتەبێژی هاوپەیمانی نێودەوڵەتی لە بەیاننامەیەکدا کە ئەمڕۆ هەینی بڵاویکردوەتەوە، ئاماژەی بەوەکردوە؛ ئاگادارن لەوەی هێزی پێشمەرگە و هێزە عێراقییەکان گەیشتونەتە رێککەوتنێک بۆ راگەیاندنی ئاگربەست لە نێوانیاندا.
وتیشی: ئێمە پشتیوانی ئەو هەنگاوە دەکەین و دەخوازین گفتوگۆکانی نێوان هەرێم و بەغدا دەستپێ بکات.
ئەوەشخراوەتەڕو، ئاگربەستەکە سەرجەم ناوچەکانی هێڵی نێوان هێزی پێشمەرگە و هێزە عێراقییەکان دەگرێتەوە.