(سبەى):
لە شاری نیویۆركی ئەمەریكا هێرشبەرێك بە ئۆتۆمبێلێكی بارهەڵگری بچوك ژمارەیەك كەسی كرد بە ژێرەوە.
میدیاكانی ئەمەریكا بڵاویانكردەوە، هێرشەكە لە ناوچەی مانهاتنی شاری نیۆریۆرك رویداوە و بە هۆیەوە هەشت كەس كوژراون و (12) كەسی دیکەش برینداربون.
بەپێی هەواڵێكی رۆژنامەی گاردیان؛ لە نێو كوژراوەكاندا پێنجیان ئەرژەنتینین و یەكێكیشیان بەلجیكیە.
پاش روداوەكەش هێرشبەرەكە لەلایەن هێزەكانی پۆلیسەوە دەستگیركرا، كە كەسێكی بە رەگەز ئۆزبەكستانیە بە ناوی سەیفوڵا سابیۆڤ و تەمەنی (29) ساڵە و ساڵی (2010) لە ئەمەریكا نیشتەجێ بوە.
لە یەكەم كاردانەوەشدا بەرامبەر ئەو روداوە دۆناڵد ترەمپ سەرۆكی ئەمەریكا روداوەکەی بە كردەوەیەكی تیرۆریستی ناوبرد و وتى:”پێویستە رێگەنەدەین داعش بێتە ناو وڵاتەكەمانەوە”.
