(سبەى):
شه‌ڕ و پێكدادان له ده‌وروبه‌ری دێرزور به‌رده‌وامه و شه‌ڕڤانانی هێزه‌كانی سوریای دیموكرات لە پێشڕەویدان و توانیویان چەند گوندێکى دیکە رزگاربکەن و لە پێکدادانەکانیشدا ژمارەیەک چەکدارى داعش كوژران.
سایتى (هاوار نیوز) بڵاویكرده‌وه، دوێنێ له ئۆپه‌راسیۆنێكدا شه‌ڕڤانان گوندی حه‌ریقه‌یان رزگاركردوه كه (41) كیلۆمه‌تر له شاری دێرزوره‌وه دووره و له شه‌ڕه‌كه‌دا (13) چه‌كداری داعش كوژراون.
له‌لایه‌كی تره‌وه، له گوندی عه‌گیدات شه‌ڕ و پێكدادانی سه‌خت به‌ڕێوه‌چوه و لا‌نی كه‌م (25) چه‌كداری داعش كوژراون.
ماوەى (35) رۆژه هێزه‌كانی سوریای دیموكرات ئۆپه‌راسیۆنی گه‌رده‌لولی جزیره‌یان بۆ كۆنترۆڵكردنی ناوچه‌كانی ده‌وروبه‌ری دێرزور ده‌ستپێكردوه و رۆژانى پێشتریش چەند گوندێکیان لەژێر دەستى داعش دەرهێناوە.
