(سبەی):
شه‌ڕوپێكدادانی سەخت لە نێوان شه‌ڕڤانی هێزه‌كانی سوریای دیموكراتی (هەسەدە) و چه‌كدارانی داعش له دێرزور به‌رده‌وامه و لە ماوه‌ی سێ رۆژی رابردودا (72) چه‌كداری داعش كوژراون.
به‌پێی سه‌رچاوه هه‌واڵییه‌كان له رۆژئاوای كوردستانه‌وه، له گوندی سویدان له باكوری رۆژهه‌ڵاتی دێرزور، شه‌ڕێكی سه‌خت رویداوه و ته‌نها له‌و گونده‌دا (72) چه‌كداری داعش كوژراون و پێنج چه‌كدار دەستگیر کراون.
ئاژانسی هاوارنیوز له رۆژئاوای كوردستان ئاشكرایكرد: له شه‌ڕه‌كه‌دا حه‌وت شه‌ڕڤان شه‌هید بون و شه‌ڕوپێكدادان تاوه‌كو ئێستا به‌رده‌وامه.
ئۆپه‌راسیۆنی “گه‌رده‌لولی جزیره”، بۆ كۆنترۆڵكردنی ناوچه‌كانی ده‌وروبه‌ری دێرزور، ماوه‌ی (85) رۆژه له‌لایه‌ن شه‌ڕڤانانی هێزه‌كانی سوریای دیموكراته‌وه ده‌ستی پێكردوه و تاوه‌كو ئێستا (40)کیلۆمەتر پێشڕەوییان کردوە.
