(سبەی):
وەزیری دەرەوەی روسیا داوا لە دەسەڵاتدارانی سوریا دەکات بکەونە گفتوگۆ لەگەڵ کوردەکان و ئاماژە بەوەش دەکات، گفتوگۆ باشترین رێگەیە بۆ چارەسەرکردنی کێشەکان.
سێرگی لاڤرۆڤ، وەزیری دەرەوەی روسیا رایگەیاند؛ روسیا داوا لەسەرجەم یاریکەرە دەرەکییەکان و بەتایبەتیش ئەوانی لە سوریا بونیان هەیە، گفتوگۆ لەگەڵ دیمەشق بکەن.
وتیشی: ئەوەی پەیوەستە بە دۆخی عەفرین و چۆنیەتی چارەسەرکردنی، جەخت دەکەینەوە لەسەر ئەوەی سەرجەم کێشەکان دەبێت لە سوریاوە چارەسەر بکرێن و رێز لە سەروەری خاکی سوریا بگیرێت.
هەروەها رونیکردەوە کە حکومەتی دیمەشق بۆ چارەسەرکردنی کێشەکان لەگەڵ نوێنەری هەمو پێکهاتە ئاینی و نەتەوەییەکان بکەوێتە گفتوگۆکردن لەنێویشیاندا کوردەکان.