(سبەى):
سەرۆک وەزیرانى عێراق بەرەو تورکیا بەڕێکەوت و وەفدێک لە بەرپرسانى باڵاى حکومەتەکەشى یاوەرى دەکەن کە لەناویاندا وەزیرى نەوت و ناوخۆ هەن.
نوسینگەى حەیدەر عەبادى ئاشکراى کرد؛ سەرلەبەیانى ئەمڕۆ سەرۆک وەزیرانى عێراق بەرەو تورکیا بەڕێکەوتوە، ئەوەش لە چوارچێوەى گەشتە هەرێمیەکەى کە تێیدا سەردانى تورکیا و ئێران دەکات.
ئەوەشى خستوەتەڕو کە وەفدێکى باڵاى حکومەت یاوەرى عەبادى دەکەن لەناویاندا؛ وەزیرانى ناوخۆ و نەوت و پلاندانان و کارەباو راوێژکارى ئاسایشى نیشتیمانى و چەند بەرپرسێکى دیکە.
ئەوە لەکاتێکدایە کە دوێنێ عەبادى ئاماژەى بەوەکرد؛ دەیەوێت سەردانى تورکیا و ئیران بکات و وتى: “بۆچونى عێراق دەگەیەنمە وڵاتانى دراوسێ لەبارەى داهاتوى ناوچەکە”.
پێشتریش سه‌رچاوه‌یه‌ك له ئه‌نجومه‌نی وه‌زیرانی توركیا رایگه‌یاند؛ چوارشه‌ممه حه‌یده‌ر عه‌بادی سه‌رۆك وه‌زیرانی عێراق ده‌گاته ئه‌نكه‌ره و له‌گه‌ڵ بیناڵى یه‌ڵدرم سه‌رۆك وه‌زیرانی توركیا كۆده‌بێته‌وه و “عه‌بادی و یه‌ڵدرم وێڕای تاوتوێكردنی په‌یوه‌ندییه دو قۆڵییه‌كانی نێوان ئه‌نكه‌ره و به‌غدا باس له پێشهاته‌كانی دوای ریفراندۆمه‌كه‌ی هه‌رێمی كوردستان و ره‌وشی ناوچه‌كه ده‌كه‌ن”.
