(سبەی):
کۆمپانیای ئەپڵ وردەکاری پارچەکانی مۆبایلە نوێیەکی ئاشکرا دەکات و نرخی شاشەی مۆبایلەکە نزیکەی (300) دۆلار دەبێت.
رۆژی هەینی کۆمپانیای ئەپڵ وردەکاری نرخی (ئایفۆن ئێکس)ی بڵاوکردەوە، کە نوێترین بەرهەمی کۆمپانیاکەیە و چاوەڕوان دەکرێت لەلایەن بەکارهێنەرانەوە پێشوازییەکی زۆری لێ بکرێت.
کۆمپانیاکە ئاماژەی بە نرخی پارچەکانی مۆبایلەکە کردوە و دەردەکەوێت کڕینی شاشەی مۆبایلەکە لەکاتی تێکچونیدا، (279) دۆلارە، ئەوەش دو هێندەی نرخی چاککردنەوەی شاشەی ئایفۆن شەشە کە (129) دۆلار بو، و هەروەها چاککردنەوەی شاشەی مۆبایلی ئایفۆن هەشت نرخەکەی (169) دۆلارە.
ئایفۆن ئێکس یاخود ئایفۆن (10) نرخەکانی لە (999) دۆلار دەستپێدەکات و تاوەکو ئێستاش سێ ملیۆن لەو مۆبایلە بۆ کڕین لەلایەن هاوڵاتیانەوە تۆمارکراوە کە بڕیارە سەرەتای مانگی داهاتو بخرێتە بازاڕەکانی جیهانەوە.
