(سبەى):
ئوسامە نوجێفی جێگری سەرۆك كۆماری عێراق هۆشداری دەدات لە وەی عێراق ببێتە گۆڕەپانی پێكدادانی ئەمەریكا و ئێران.
نوجێفی لە سەردانەكەیدا بۆ ئەمەریكا لەچاوپێكەوتنێكیدا لەگەڵ كەناڵی (جەزیرە) رایگەیاند، لەسەر رۆشنایی توندبونەوەی ئاڵۆزییەكانی نێوان ئەمەریكا و ئێران، ناوچەكە لەبەردەم ئەگەری روبەڕوبونەوەی سەربازیدایە.
نوجێفی لەو چاوپێکەتندا وتویەتى؛ ئێستا هێزی ئەمەریكا و ملیشیاكانی نزیك لە ئێران، بە چڕی لە عێراقدا بڵاوەیانپێكراوە، ئەگەر ئەو هێزانە لە ناكۆكیەكانی نێوان ئەو دو وڵاتە بەكاربهێنرێن، ئەوا كارەساتێكی گەورەی لێدەكەوێـتەوە و گەلی عێراقیش دەبنە سوتەمەنی ئەو كارەساتە.
هەروەک ئاماژەی بۆ ئەوەكردوە؛ هەوڵدەدەن هەردولا قایل بکەن بەوەى رۆڵیان هەبێت بۆ ئەوەی عێراق نەبێتە گۆڕەپانی ئەو پێكدادانە.
