(سبەى):
ئەندامێکی پەرلەمانی كوردستان رایدەگەیەنێت؛ وەزیری سامانە سروشتییەكان سیمبوڵی شكست و نەهامەتیە لە حوكمڕانی كوردستاندا و بانگهێشتكردنەكەشی بۆ پەرلەمان تاقیكردنەوەیەكە بۆ حكومەت و دەبێت پێوەی پابەند بێت.
سالار مەحمود ئەندامی پەرلەمانی كوردستان ئاشتى هەورامى وەزیرى سامانە سروشتیەکانى حکومەتى هەرێم بە سیمبوڵی شكست و نەهامەتی لەقەڵەمدەدات و بەپێویستى دەزانێت لێپرسینەوەی لەگەڵ بكرێت و دەڵێت:”بانگێشتكردنەكەی ئاشتی هەورامی بۆ پەرلەمان تاقیكردنەوەیەكیشە بۆ حكومەت”
ئەو پەرلەمانتارە دەڵێت: “ئەم پرۆسەی حوكمڕانیەی هەرێمی كوردستان ستەم بەرهەمدەهێنێت و سەرجەم ئەو قەیرانانەی كە روبەروی هەرێم بونەتەوە حكومەت بەرپرسیارە لێیان”.
