(سبه‌ی):
نوری مالیكی جێگری سه‌رۆك كۆماری عێراق رایده‌گه‌یه‌نێت، دادگای فیدراڵی ده‌رگای له‌سه‌ر ریفراندۆم و ئه‌نجامه‌كانی داخست و پێویسته كێشه‌كانی نێوان هه‌رێم و به‌غدا كۆتاییان پێ بێت.
مالیكی، كه هاوكات سه‌رۆكی ئیئتیلافی ده‌وڵه‌تی یاسایه، له چاوپێكه‌وتنێكدا له‌گه‌ڵ ته‌له‌فزیۆنی غه‌د ئاماژه‌ی به‌وه‌شكرد: به‌هۆی ریفراندۆمه‌كه‌ی هه‌رێمه‌وه، كێشه‌ی گه‌وره له نێوان حكومه‌تی عێراق و هه‌رێمی كوردستاندا دروست بو، به‌ڵام بڕیاره‌كه‌ی دادگای فیدراڵی كۆتایی به‌هه‌مو كێشه‌كان هێناوه.
مالیك وتیشی: كورد پێكهاته‌یه‌كی سه‌ره‌كییه له عێراقدا و به‌شداریكردنی له پرۆسه‌ی سیاسیی عێراقدا پێویسته و ده‌بێت به‌گیانێكی نیشتمانیی مامه‌ڵه بكه‌ن.
سه‌باره‌ت به هه‌ڵبژاردنه‌كانی داهاتوش مالیكی رونیكرده‌وه، هه‌ڵبژاردنه‌كان ده‌بێته هۆی گۆڕانكاریی له پرۆسه‌ی سیاسیدا، هیچ كێشه‌یه‌كیشیان نییه بۆ هاوپه‌یمانێتیكردن له‌گه‌ڵ كورددا.
