(سبهی):
زۆرن ئەو کەسانەی کە خاوەن پێدوایستی تایبەتن و بە جۆرێک لە جۆرەکان بەشێک لە ئەندامی جەستەیان لەدەستداوە و یان لە کارکەوتوە، بەڵام تواناکانیان زۆر لە کەسانی ئاسایی کۆمەڵگە و ئەوانەی تەندورستییان و ئەندامانی جەستەیان هیچ کێشەیەکیان نییە، زۆر زیاترە و سەرەڕای ئەوەش یارمەتیی مرۆڤایەتی دهدهن لە جیهاندا.
ئهمانهی خوارهوه كۆمهڵێك لهو كهسانهی كه خاوهن پێداویستیی تایبهتن و خاوهنی توانایهكی زۆر بههێترن له مرۆڤی ئاسایی بهجۆرێك كه بونهته مایهی شانازی بۆ مرۆڤایهتی:
1- ستێفان هاوکینگ زانای بواری گەردونناسی و فیزیا و ئەستێرەناسی کە بەهۆی ئیفلیجبون و لەکارکەوتنی زۆربەی ئەندامانی جەستەیەوە تەنها لە رێگای کۆمپیوتەرێکەوە پەیوەندیی بە جیهانەوە هەیە و تەنانەت عەرەبانەکەی بە ئاماژەکانی سەری جوڵە دەکات.
2- جۆن فۆربێس ناش زانای بواری ماتماتیک و شارەزای بواری ئابوریی کە پێشتر بەهۆی نەخۆشییەکی دەگمەنەوە لە وەهمدا دەژیا، بەڵام دواتر بەهۆی ئیرادەی خۆیەوە بوە یەکێک لە شارەزاترین مامۆستاکانی بواری ماتماتیک و ئابوری بە جۆرێک لە ساڵی (2005) خەڵاتی نۆبڵی ئابوریی وەرگرت.
3- فریدا کاهلو، نیگارکێشی سوریالیستی بەناوبانگی جیهان کە لەسەرەتای منداڵییەوە بەهۆی ئیفلیجی و تەنانەت رودانی سەیارەوە بەشیکی زۆری تەمەنی لە نەخۆشخانە بردوەتە سەر، بەڵام بەهۆی تواناکانی لە بواری نیگارکێشیدا ئەو بوە ناودارترین سیمبولی نیگارکێشیی سەدەی بیستەم لە ئاستی جیهاندا.
4- نیک ڤوجیک، بە بێ دەست و قاچ لە دایک بو، بەهۆی جەستەکەی و لۆمەی كهسانی دهوروبهریهوه، چەند جارێک بیر لە خۆکوشتن دەکاتەوە، بەڵام دواجار ئیرادەی بەسەر هەمو کێشەکاندا زاڵ دەبێت و ئەگاتە ئاستێک کە ناوەندێک دهكاتهوه بە ناوی (ژیانی بێ بەربەست) بۆ خاوهن پێداویستییە تایبەتەکان ئهویش لهپێناو گەیشتن بە مافەکانیان، ههروهها خاوەنی دەیان کتێبە سەبارەت بە خاوهن پێداویستییە تایبەتەکان.
5- ئەندریا بۆچێلی، لە منداڵییەوە چاوی توانانی بینینی لاواز بوە و دواتر بەهۆی بەرکەوتنێک لە یاریدا بە تەواوەتی نابینا بوە، بەڵام بەهۆی شارەزایی لە موزیكدا بە (چاوی موسیزیانانی جیهان) ناوبانگی دەرکردوە بوە و نزیکەی (80) ملیۆن سیدی و کاسێت لە گۆرانی و ئاوازەکانی بەسەرتاسەری جیهاندا بڵاو بوەتەوە و فرۆشراوە.
6-ئالیکس زاناردی، پاڵەوانی شۆفێری لە جیهان بەهۆی روداوێکەوه قاچەکانی لەدەست دەدات و بە قاچی دەستکردەوە بەردەوام بو لە شۆفێری تەنانەت لە چوار کێبڕکێی ئۆتۆمۆبێلدا سەرکەوتنی بەدەستهێنا و دواجار پایسکیلێکی تایبەتی بۆ خاوەن پێداویستییە تایبهتهکان بەرهەمهێنا و توانی خەڵاتی (2017)ی پارائۆڵەمپی جیهان بەدەست بهێنێت.
7- ری چارلێز منداڵی خێزانێکی هەژار لە تەمهنی حەوت ساڵیدا دایک و باوکی لەدەست دەدات و لە تەمەنی (15) ساڵیدا نابینا دەبێت، ئەو شێوازێکی تایبەتی مۆسیقای ئارام هەڵدەبژێت و دەبێتە یەکێک لە بەناوبانگترین گۆرانیبێژ و موسیزیارهكانی جیهان کە دەبێتە خاوەنی زۆرترین خەڵاتی جیهانی لەو بوارەدا.
8- مایکل فۆکس، ئەستێرەی بەناوبانگی بواری فیلمی کۆمیدی، لە ساڵی (1991) و لە لوتکەی سەرکەوتنەکانیدا توشی نەخۆشی پارکینسۆن دەبێت، لە سەرەتای نەخۆشییەکەیدا پەنا بۆ کحول دەبات، دواجار دەستبەرداری کحول دەبێت و هەوڵی کۆکردنەوەی یارمەتی دەدات بۆ توشبوانی نەخۆشی پارکینسۆن، ئەو توانی لە یەکەم هەنگاویدا بڕی (223) ملیۆن دۆلار کۆبکاتەوە و سەرەڕای ئەوەی (27) ساڵە خۆشی گیرۆدەی ئەو نەخۆشییەیە، بەڵام کاتەکانی بۆ توشبوانی ئەو جۆرە نەخۆشییە تەرخان کردوە.
9-هێلین کلێر، زانا و نوسەری کۆمەڵایەتیی ئەمەریکا کە لە تەمەنی (18) مانگیەوە نابینا و نابیست دەبێت و ئەو تەنها لە رێگا دەست لێدان لە قورگ و لێو دەیتوانی لە قسەی بەرامبەرەکانی تێبگات، ئەو بە گەورەترین پشتیوانی ژنان ناوبانگی دەرکرد و لەو کەسە خاوەن پێداویستییە تایبەتانە بو کە بۆ یەکهمجار توانی خوێندنی زانکۆ تەواو بکات.
10- خۆرخە لویس بۆرخێس یەکێک لە گەورەترین چیرۆکنوسەکانی ئەمەریکای لاتین بو لە ئاستی جیهاندا، لە سەرەتای منداڵییەوە چاوەکانی لاوازبون و دواجار لە تەمەنی (55) ساڵیدا نابینا دەبێت، ئەو بە گەورەترین چیرۆکنوسی سەدەی بیستەم ناو دهبرێت کە هیچ کات رۆمانی نەنوسیوە، ئەو دەڵێت ههمیشه پێی وابوە بەهەشت شوێنێکە هاوشێوەی کتێبخانە.