(سبەى):
هەمو ئەو بەرپرس و شازادانەی سعودیە كە لە ماوەی رابردودا بە تۆمەتی گەندەڵی دەستگیركرابون ئازادكران.
بەرپرسێكی سعودیە بە (رۆیتەرز)ی راگەیاند؛ هەمو ئەو كەسانەی مانگی تشرینی دوەمی رابردو لە هەڵمەتی نەهێشتنی گەندەڵیدا دەستگیركرابون و لە هۆتێل ریتز كارلتۆنی ریازی پایتەخت دەستبەسەربون ئازادكراون.
ئەوەش دوای ئەوە دێت كە رۆژی شەممە شازادە وەلید بن تەڵاڵ یەكێك لە گەورەترین سەرمایەدارەكانی سعودیە ئازادكرا.
بەپێى چەند سەرچاوەیەك؛ ئەو بەرپرس و شازادانەی كە تۆمەتی گەندەڵییان ئاراستەكرابو دوای سازشكردن لە بڕێك لە سامانەكانیان لە لایەن دەسەڵاتدارانی سعودیەوە ئازادكراون.
