(سبەى):
ئەمڕۆ چوارشەممە سوپای عێراق ئۆپەراسیۆنی لە ناوچەکانی سنوری خورماتو بۆ کێوماڵکردنى سنورەکە و پاککردنەوەى لە چەکدارانى داعش دەستپێکرد.
بەپێى زانیارییەکان بەشێکى بەرچاوى هێزەکانى عێراق و دو فیرقەى حەشدى شەعبى بە پاڵپشتى هێزى ئاسمانى لە ئۆپەراسیۆنەکەدا بەشدارن کە لە پێنج قۆڵەوە دەستیپێکردوە.
تائێستا هیچ روبەڕوبونەوەیەک لەنێوان هێزەکانى سوپا و چەکدارەکانى ئەو سنورە روینەداوە، بەڵام بەهۆى تەقینەوەى بۆمبەوە دو سەربازى سوپا بریندار بون و گەیەنرانە نەخۆشخانەى خورماتو.