(سبەی):
تیمی نەتەوە یەکگرتوەکان لە عێراق (یونامی) رایدەگەیەنێت؛ لەمانگی رابردودا بەهۆی کردەوە توندوتیژییەکانەوە نزیکەی (300) هاوڵاتی عێراقی کوژراون و برینداربون.
یونامی لە بەیاننامەیەکدا ئاماژەی بەوەکردوە، بەهۆی کردەوە توندوتیژییەکانەوە (91) هاوڵاتی عێراقی کوژراون و (208) هاوڵاتی دیکەش برینداربون.
بەپێی راپۆرتەکە، بەغدا پشکی شێری لە ژمارەی قوربانییەکان بەردەکەوێت بەجۆرێک لەو مانگەدا (49) مەدەنی کوژراون و (146) کەسی دیکەش برینداربون.
ئەوە لەکاتێکدایە بەبەراود بە مانگی پێشوتر، ژمارەی قوربانییەکان رویان لە کەمبونەوە کردوە، بەجۆرێک لە مانگی یەکی ئەمساڵ (115) هاوڵاتی عێراق کوژراون و (255) کەسی دیکەش برینداربون.
