(سبەی):
دوای شه‌ڕوپێكدادانه‌كانی دوێنێی نێوان پێشمه‌رگه و هێزه عێراقییه‌كان له مه‌خمور و زومار ئێستا دۆخی ئه‌و شاره ئارامه، به‌ڵام هێزێكی زۆری سوپای عێراق و حه‌شدی شه‌عبی له نزیك فیشخاپور كۆكراوه‌ته‌وه.
سه‌رچاوه‌یه‌كی تایبه‌تی (تۆڕی میدیای گۆڕان) له زومار رایگه‌یاند؛ ئه‌مڕۆ هه‌ینی هیچ شه‌ڕوپێكدادانێك له زومار روینه‌داوه، به‌ڵام هێزێكی زۆر سوپای عێراق و حه‌شدی شه‌عبی و پۆلیسی فیدراڵی به‌دوری پێنج كیلۆمه‌تر له ده‌روازه‌ی فیشخاپوره‌وه كۆكراونه‌ته‌وه‌‌و به‌پێی زانیارییه‌كان نیازی كۆنترۆڵكردنی ده‌روازه‌كه‌یان هه‌یه.
هاوكات ره‌شاد گه‌ڵاڵی، لێپرسراوی كۆمیته‌ی مه‌خموری یه‌كێتی رایگه‌یاند، ئه‌مڕۆ هه‌ینی له مه‌خمور هیچ شه‌ڕێك روینه‌داوه و پێشمه‌رگه له چیای قه‌ره‌چوغ جێگیر بوه.
ئه‌وه‌ش له‌كاتێكدایه دوێنێ له زومار‌و مه‌خمور شه‌ڕ له‌نێوان پێشمه‌رگه‌‌و هێزه عێراقیه‌كان رویدا.
