(سبەی):
نوسینگه‌ی نه‌ته‌وه یه‌كگرتوه‌كان بۆ كاروباری مرۆیی له‌عیراق رایده‌گه‌یه‌نێت؛ زیاتر له (180) هه‌زار كه‌س له‌ناوچه كێشه‌له‌سه‌ره‌كان كه زۆرینه‌یان كوردن له‌سه‌ر ماڵ و حاڵی خۆیان ئاواره‌بون.
نوسینگه‌ی رێكخراوی نه‌ته‌وه یه‌كگرتوه‌كان بۆ كاروباری مرۆیی له عیراق له راگه‌یه‌نراوێكدا ئاماژه‌ی بەوەکردوە، تا رۆژی دوی تشرینی دوه‌م، به‌هۆی ململانێی نێوان حكومه‌تی ناوه‌ندیی له‌عێراق و حكومه‌تی هه‌رێمی كوردستان و چونی هێزه‌كای سوپای عیراق بۆ ناوچه كێشه له‌سه‌ره‌كان، (180) هه‌زار كه‌س كه زۆرینه‌یان كوردن له‌سه‌ر ماڵ و حاڵی خۆیان ئاواره‌بون.
ئاماژەبەوەشکراوە، له‌و ژماره‌یه (79) هه‌زاریان هاوڵاتی پارێزگای كه‌ركوكن، بێ ئه‌وه‌ی هیچ ورده‌كارییه‌كی دیكه له‌و باره‌یه‌وه بخاته‌ڕو.
