(سبەی):
ئێوارەی ئەمڕۆ سێشەممە، هونەرمەند پشتیوان نوری بەدەوی بە نەخۆشییەکی کتوپڕ کۆچی دوایی کرد.
هونەرمەند پشتیوان نوری بەدەوی، ساڵی (1977) لە شاری سلێمانی لە دایک بوە.
دەرچوی پەیمانگای هونەرە جوانەکانی سلێمانییە و ساڵی (1993) لەو پەیمانگایەوە دەستی بەکاری هونەریی کردوە.
هاوسەری هونەرمەند (هەواڵ عوسمان)ە و پێکەوە بەشداریی ژمارەیەک کاری شانۆیی و دراما و زنجیرەی تەلەفزیۆنیان کردوە.
یەکێك بوە لە ئەکتەرە سەرەکی و دیارەکانی زنجیرە درامای گەردەلول کە رۆڵی (رزگار)ی بینیوە.
باوکی دو کچە بەناوەکانی کانی و لانی.
