(سبەی):
پەرلەمانی عێراق دەنگی لەسەر یاسای هەڵبژاردنی ئەنجومەنی پارێزگاکان دا و دوای (13) ساڵ، پارێزگای کەرکوکیش بەشداریی هەڵبژاردنەکان دەکات.
لە کۆبونەوەی ئەمڕۆی ئەنجومەنی نوێنەرانی عێراقدا، پرۆژە یاسای هەڵبژاردنی ئەنجومەنی پارێزگاکانی عێراق پەسەندکرا و بەپێی یاساکە، کۆتوبەند لەسەر هەڵبژاردنی پارێزگای کەرکوک لابرا و دوای نزیکەی (13) ساڵ، هەڵبژاردن بۆ ئەنجومەنی پارێزگای کەرکوک دەکرێت.
دوای کۆبونەوەکەش، نوێنەرانی پارێزگای کەرکوک لەسەرجەم پێکهاتەکان لە کۆنگرەیەکی رۆژنامەوانیدا رایانگەیاند: دوای نزیکەی (13) ساڵ لە بێبەشکردنی، هەڵبژاردن بۆ ئەنجومەنی پارێزگای کەرکوک لەگەڵ پارێزگاکانی دیکە ئەنجام دەدرێت.