پارتی و یەكێتی و یەكگرتو هەڵبژاردنەكان دوادەخەن

(سبەى):

بڕیارە سبەینێ پەرلەمانی كوردستان كۆببێتەوە و تێیدا فراكسیۆنی پارتی ‌و یەكێتی و یەكگرتو، بڕیار لەسەر دواخستنی هەڵبژاردنەكان بدەن ‌و سكرتێری پەرلەمانیش بە رەسمی بدرێتە یەكێتی.

هەفتەی رابردو لەسەر روداوەكانی (16)ى ئۆكتۆبەر هەردو فراكسیۆنی  پارتی ‌و یەكێتی نەگەیشتنە ڕێككەوتن لەسەر دواخستنی هەڵبژاردنەكان ‌و پێدانی پۆستی سكرتێری پەرلەمان بە یەكێتی، بەگوێرەی ئەو زانیارانەی دەست (تۆڕى میدیاى گۆڕان) كەوتوە، ئەمڕۆ هەریەك لە سەعدی ئەحمەد پیرە، مەحمود محەمەد ‌و جەعفەر ئیمنیكی لەگەڵ فراكسیۆنی یەكێتی و  پارتی لە تەلاری پەرلەمان كۆبونەتەوە و گەیشتونەتە دوابڕیار لەسەر دواخستنی هەڵبژاردنەكان ‌و پێدانی پۆستی سكرتێری پەرلەمان بە یەكێتی و بڕیارە سبەینێ لە دانیشتنی پەرلەماندا بخرێنە بەرنامەی كارەوە.

هەفتەی رابردو پارتی داوایكردبو هەڵبژاردنەكان لە شەش مانگ بۆ هەشت مانگ دوابخرێت، یەكێتیش داوایكردبو تەمەنی پەرلەمان بۆماوەی دوساڵ درێژبكرێتەوە.