(سبەی):
حەیدەر عەبادی، سەرۆک وەزیرانی عێراق رایدەگەیەنێت؛ بەوردی چاودێری روداوەکانی هەرێمی کوردستان دەکەن و دەشڵێت: هێرشکردنە سەر بارەگای حیزبەکان و رۆژنامەنوسان زیان بە هاوڵاتیان دەگەیەنێت.
نوسینگەی راگەیاندنی حەیدەر عەبادی، سەرۆک وەزیرانی عێراق لە بەیاننامەیەکدا رایگەیاند؛ ئاگاداری هێرشکردنە سەر بارەگای حیزب و رۆژنامەنوسانن لە هەولێر و دهۆک و ئەو کارانەش زیان بە هاوڵاتیان دەگەیەنێت.
داواش دەکات پابەندی یاسا بن و دۆخەکە هێوربکرێتەوە و ناکۆکییە سیاسییەکان کاریگەری نەکاتە سەر هاوڵاتیانی کورد، کە بەهۆی ئەو جۆرە سیاسەتانەوە زیانی زۆریان بەرکەوتوە.
جەختیش دەکاتەوە لەوەی حکومەتی فیدراڵی دەیەوێت ئارامی لە سەرجەم پارێزگاکانی عێراقدا هەبێت و کاردەکەن بۆ پاراستنی بەرژەوەندی و گیانی هاوڵاتیان.
