(سبەى):
ئەندامێكی كۆمیتەی بەڕێوەبەرایەتی پەكەكە رایدەگەیەنێت؛ لە ساڵی نوێدا گەورەترین شەڕ لە توركیا دەكەن و ساڵی سەركەوتنی پەكەكە دەبێت.
دوران كاڵكان، ئەندامی كۆمیتەی بەڕێوەبەرایەتی پەكەكە لە چاوپێكەوتنێكی تەلەفزیۆنی (مەدیا خەبەر) رایگەیاند؛ لە ساڵی نوێی توركیا كە (40)ـەمین ساڵیادی دامەزراندنی پەكەكەیە گەورەترین شەڕ لە توركیا دەكەن و خەباتی (39) ساڵەی پارتەكەیان دێتە دی.
وتیشی: “لە ساڵی نوێدا گەورەترین سەركەوتن بەدەستدەهێنین و ساڵی نوێ ساڵی شۆڕشی پەكەكە دەبێت”.
كاڵكان ئاماژەی بەوەشكردوە؛ ئەگەر لە توركیا دژ بە فاشیزمی ئاكەپە و مەهەپە خەبات نەكرایە ئەوكات ئەزمون و خەباتی رۆژئاوای كوردستان نەدەگەیشتە ئەم قۆناغە.