(سبەی):
بومەلەرزەیەک دەربەندیخان و هەڵەبجە و شارەزور و قەرەداغی هەژاند.
پەیامنێری (تۆڕی میدیای گۆڕان) رایگەیاند: بومەلەرزەیەک بە گۆڕی (4.9) پلە بەپێوەری رێختەر دەربەندیخانی هەژاندوە و بەهۆیەوە زۆرینەی خێزانەکان و دانیشتوانی شارەکە لە ماڵەکانیان هاتونەتە دەرەوە.
پەیامنێرانمان رایانگەیاند: بومەلەرزەکەی ئێوارەی ئەمڕۆ دەربەندیخان و گەرمیان و هەڵەبجە و شارەزوری هەژاندوە و لە زۆربەی ناوچەکان هەستی پێکراوە.
بەپێی سەرچاوەکانی کەشناسی، چەقی بوەمەلەرزەکە پارێزگای ئیلام لە رۆژهەڵاتی کوردستان بوە کە گوڕی بومەلەرزەکە لەو شارە (5.3) پلە بوە.
