(سبەى):
چەند پەرلەمانتارێكی هەرێمی كوردستان، پرۆژە بڕیارێك بۆ پاكسازی لە لیستی موچەخۆراندا پێشكەشی سەرۆكایەتی پەرلەمان دەكەن و داوای جیاكردنەوەی موچەخۆرانی راستەقینە و وەهمی دەكەن.
لە پرۆژە بڕیارەكەدا كە ئیمزای (30) پەرلەمانتاری لەسەرە داواكراوە لیژنەیەكی هاوبەش لە نێوان لیژنەكانی دەستپاكی و دارایی پەرلەمان و دیوانی چاودێری بۆ وردبینكردنی دۆسیەی موچەخۆران پێكبهێنرێت.
داواشدەكەن؛ سیستمی بایۆمەتری بكرێتە پێوەری بنچینەیی و حكومەت سەرجەم وردەكاری سیستمی بایۆمەتری و سەرجەم وەزارەتەكانیش لەماوەی (20) رۆژدا زانیاری بخەنە بەردەستی لیژنەكە.
لە خاڵێكی دیكەدا، ئاماژەبەوە دەكەن لیژنە هاوبەشەكە لە ماوەی (30) رۆژدا راپۆرتی كۆتایی بخەنە بەردەستی پەرلەمانی كوردستان و حكومەتیش رێنمایی پێویست دەربكات بۆ جێبەجێكردنی.
برۆز مەجید، سەرۆكی فراكسیۆنی گۆڕان، لەوبارەیەوە بە (تۆڕى میدیاى گۆڕان)ى راگەیاند؛ داوادەكەن لە دانیشتنی داهاتوی پەرلەماندا پرۆژەكە بخرێتە بەرنامەی كارەوە.