(سبەى):
لە چوارەمین ساڵیادی تیرۆركردنی رۆژنامەنوس كاوە گەرمیانیدا بڕیارە زنجیرەیەك چالاكی جۆراو جۆر لەكەلار بەڕێوەەچێت و خەڵاتی ئاڵتونی كاوە گەرمیانیش ببەخشرێت.
جەزا محەمەد، یەكێك لە رێكخەرانی مەراسیمەكان رایگەیاند؛ لە یادی چوار ساڵەی تیرۆركردنی رۆژنامەنوس كاوە گەرمیانیدا زنجیرەیەك چالاكی جۆراو جۆر بەڕێوەدەچن و مەراسیمی سەرەكی لە كاتژمێر سێی پاشنیوەڕۆ لە هۆڵی وەرزش و لاوانی كەلار دەبێت و تێیدا خەڵاتی ئاڵتونی كاوە گەرمیانی دەبەخشرێت.
وتیشی: “سەعات (8)ی شەو تا ساتەوەختی تیرۆكردنی كاوە گەرمیانی لە بەردەم ماڵی دایكی كاوە و لەو جێگەیەی تیرۆ كرا كۆبونەوەیەك ئەنجامدەدرێت”.
لاى خۆیەوە كاروان ئەحمەد، برای شەهید كاوە گەرمیانی وتی: “تائێستا جگە لەوەی كەسێك بە تاوانی تیرۆكردنی كاوە گەرمیانی زیندانی هەتاهەتایی بەسەردا سەپێنراوە هیچ جوڵەیەكی تر لە كەیسی تیرۆكردنەكەدا نەكراوە”.