(سبەى):
كۆمەڵەی بەرگری لە ئازادی رۆژنامەگەری لە عێراق راپۆرتی ساڵانەی خۆی لەبارەی پێشێلكارییەكان بەرامبەر بە رۆژنامەنوسان لە عێراق و هەرێمی كوردستان بڵاوكردەوە، بەپێی راپۆرتەكە؛ ساڵی (2017) لەكاتی روماڵكردنی ئۆپەراسیۆنە سەربازییەكاندا (14) رۆژنامەنوس لە عێراق كوژراون و (34) رۆژنامەنوس برینداربون.
بەشێوەیەكی گشتی راپۆرتەكە (27) حاڵەتی دەستگیركردنی رۆژنامەنوسان و (64) حاڵەتی پێشێلكاری بەرامبەر بە رۆژنامەنوسان تۆماركردوە لەگەڵ حەوت حاڵەتی داخستنی كەناڵەكانی راگەیاندن و سێ حاڵەتی سوتاندنی دامەزراوە میدیاییەكان.
ئاماری كوژران و برینداربونی رۆژنامەنوسان لە 2017دا:
- پێنجی كانونی دوەم
دوای رفاندنی، تەرمی رۆژنامەنوس عەبدولقادر قەیسی لەسەر رێگای (كەركوك – بەغدا) دۆزرایەوە
- (25)ی شوبات
شیفا گەردی رۆژنامەنوسی تۆڕی میدیایی روداو لە رۆژئاوای موسڵ كوژرا
- (24)ی ئادار
نوژیان ئارهان پەیامنێری ئاژانسی رۆژنیوز لە چیای شەنگال كوژرا
- (9)ی ئایار
رۆژنامەنوس سۆران سەقزی بە كوژراوی لە شوێنی مانەوەی لە هەولێر دۆزرایەوە
- (31)ی ئایار
سوهەیب هیتی پەیامنێری كەناڵی ئاسیا لە تەقینەوەیەكی خۆكوژیدا لە هیت كوژرا
- (19)ى حوزەیران
بەختیار حەداد پەیامنێری رۆژنامەی لۆفیگارۆی فەرەنسی لەبەری راستی موسڵ كوژرا
- (20)ی حوزەیران
ستیڤانی فیلینۆڤ رۆژنامەنوسی فەرەنسی لە تەقینەوەیەكدا لەبەری راستی موسڵ برینداربو، بەهۆی سەختی برینەكەی گیانی لەدەستدا
- (24)ی حوزەیران
ڤیرونیك رۆبێرت رۆژنامەنوسی فەرەنسی لە تەقینەوەیەكدا لەبەری راستی موسڵ برینداربو، بەهۆی سەختی برینەكەی گیانی لەدەستدا
- (4)ی تەمموز
حەمزە لامی پەیامنێری ئاژانسی هەواڵی نینا لە رۆژئاوای موسڵ كوژرا
- (7)ی تەمموز
هەردو رۆژنامەنوسی كەناڵی سەلاحەدین (حەرب هەزاع) و (سوئدەد دوری) لە گوندێكی رۆژئاوای موسڵ كوژران
- (26)ی ئاب
سەجاد نەجمەدین عەبد عجێل كامێرامانی كەناڵی ئاسمانی كەربەلا لەكاتی روماڵكردنی ئۆپەراسیۆنی كۆنترۆڵكردنەوە تەلەعفەر كوژرا
- (1)ی تشرینی یەكەم
لوئەی سادق كامێرامانی كەناڵی نوجەبا لەكاتی روماڵكردنی ئۆپەراسیۆنی كۆنترۆڵكردنەوەی حەویجە كوژرا
- (30) تشرینی یەكەم
راكان شەریف كامێرامانی كەناڵی كوردستان تیڤی لە داقوق كوژرا
برینداربونی رۆژنامەنوسان و كارمەندی میدیاكان:
- (14)ی كانونی دوەم:
عەلی متێر پەیامنێری كەناڵی ئاسمانی ئیتیجاه لەكاتی روماڵی شەڕی زانكۆی موسڵدا برینداربو
- (15)ی كانونی دوەم:
گەیلان بۆتانی پەیامنێری كەناڵی كوردستات لە شەڕی زانكۆی موسڵ برینداربو
- (16)ی كانونی دوەم:
عەبدولحەمید زێباری پەیامنێری كەناڵی حوڕە و یاسر سالم یاریدەدەری كامێرامان لە شەڕی موسڵدا برینداربون
- (22)ی شوبات
یاسر كینانی كامێرامانی كەناڵی ئاسمانی كەربەلا لە شەڕی موسڵ برینداربو
- (25)ی شوبات
كامێرامانی كەناڵی نوجەبا عەلا حسێن زەبون لە بەری راستی موسڵ برینداربو
- یەكی ئادار
پەیانێری ئاژانسی فرانس پرێس مەحمود ساڵح لەكاتی روماڵكردنی شەڕی موسڵ برینداربو
- (14)ی ئادار
نەبەز حسێن پەیامنێری كەناڵی روداو لە رۆژئاوای موسڵ برینداربو
* (17)ی ئادار
– پەیامنێری كەناڵی سامەڕا عەمەر تایه لە بەری راستی موسڵ برینداربو
– پەیامنێری كەناڵی بیلادی سەباح حەكیم لە بەری راستی موسڵ بە سوكی برینداربو
- (20)ی ئادار
حەیدەر قاسم پەیامنێری كەناڵی عالەم لە بەری راستی موسڵ برینداربو
- (22)ی ئادار
محەمەد فەهد پەیامنێری كەناڵی مەیادین لە رۆژئاوای موسڵ برینداربو
- (23)ی ئایار
تیمی كەناڵی وەلا ی ئاسمانی كە لە دو پەیامنێر و دو كامێرامان پێكهاتبون لە باشوری موسڵ برینداربون