(سبه‌ی):
دادگای توركیا سزای ساڵێك و شه‌ش مانگ زیندانیكردنی بۆ ئایسه‌ل توغڵوك په‌رله‌مانتاری پێشوی هه‌ده‌په ده‌ركرد.
میدیاكانی توركیا بڵاویانكرده‌وه، دادگای تاوانه گه‌وره‌كانی توركیا سزای ساڵێك و شه‌ش مانگ ی به‌سه‌ر ئایسه‌ل توغڵوك په‌رله‌مانتاری پێشوی هه‌ده‌په ده‌ركردوه له‌سه‌ر خۆپیشاندان و رێپێوان دژ به توركیا.
ئاماژه به‌وه‌شكراوه، خۆپیشاندان و رێپێوان و كۆبونه‌وه‌كانی ئه‌و په‌رله‌مانتاره‌ی پێشوی هه‌ده‌په یاسای دو هه‌زار و (911)ی توركیای پێشێلكردوه بۆیه ئه‌و سزایه‌ی به‌سه‌ردا سه‌پێنراوه.
هاوكات ئایسه‌ل توغڵوك و پارێزه‌ره‌كه‌ی كه له دانیشتنی دادگا ئاماده بون، سه‌رجه‌م تۆمه‌ته‌كانی دادگایان ره‌تكرده‌وه.
