(سبەی):
دو زەمینلەرزەی یەک لەدوای یەک ناوچەکانی هەرێمی کوردستانی هەژاند بە گوڕی (5.2) و (5.5) پلە بەپێوەری رێختەر.
بەپێی زانیاری و داتای، سەنتەرەکانی تۆمار و پێوانەی بومەلەرزەزانی جیهانی، سەعات (9:59) خولەک و (10:14) خولەک لەناوچە سنورییەکانی باشور و رۆژهەڵاتی کوردستان رویداوە و چەقی بومەلەرزەکان ناوچەی مەندەلی بوە.
لەوبارەیەوە، تۆڕی داتا سەنتەری بومەلەرزەزانی، سەر بە بەڕێوەبەرایەتی گشتی کەشناسی و بومەلەرزەزانی هەرێمی کوردستان بڵاوی کردەوە، سەعات (9:59:31)ی سەرلەبەیانی ئەمڕۆ پێنجشەممە، بومەلەرزەیەک بە گوڕی (5.6) بەپێی پێوەری رێختەر، لە دوریی (18) کیلۆمەتر لە رۆژهەڵاتی شاری مەندەلی و دوریی (210) کیلۆمەتر لە وێستگەی بومەلەرزەزانی ئەزمەڕ رویداوە و هەستی پێکراوە و هیچ زیانێکی گیانی و مادی لێنەکەوتوەتەوە.
