(سبەی):
فراکسیۆنی گۆڕان لە بەغدا پێداگریی لەسەر ئەنجامدانی هه‌ڵبژاردنه‌كانی عێراق له واده‌ی دیاریكراوی خۆیدا دەکات و داواش دەکات كورسی كۆتا بۆ كوردانی فه‌یلی له ئه‌نجومه‌نی نوێنه‌رانی عێراق تەرخان بکرێت.
ئه‌مین به‌كر، پەرلەمانتاری گۆڕان و ئه‌ندامی لیژنه‌ی یاسایی له ئه‌نجومه‌نی نوێنه‌رانی عێراق، هەڵوێستی فراکسیۆنەکەی لەسەر هەڵبژاردنەکان خستەڕو و رایگەیاند؛ پێداگریی دەکەن له‌سه‌ر ئەنجامدانی هه‌ڵبژاردنی ئه‌نجومه‌نی نوێنه‌ران له واده‌ی دیاریكراوی خۆیدا.
وتیشی :”پێشنیازمان كردوه كورسی وه‌كو كۆتا بۆ پێكهاته‌ی فه‌یلی له ئه‌نجومه‌نی نوێنه‌ران ته‌رخان بكرێت، كه له‌سه‌ر پارێزگاكانی به‌غداد و واست و دیاله بن”.
