(سبەی):
داوا دەکرێت رۆژى شەممەى داهاتو، (24)ى ئەم مانگە لە هەرێمى باشوری کوردستان رێپێوانێکی سەرتاسەری و بەرفراوان بۆ پشتیوانی لە بەرخودانی ئەفرین ئەنجام بدرێت.
کۆنگرەی نەتەوەیی کوردستان (کەنەکە) پێشنیاز دەکات بە هاوکاری و هەماهەنگی هەمو لایەک، سەعات (2:00)ی پاشنیوەڕۆى رۆژى شەممەى داهاتو رێپێوانێکی سەرتاسەری لە هەرێمى کوردستان بۆ پشتیوانی لە بەرخودانی ئەفرین ئەنجام بدرێت.
ئەوەش دەخاتەڕو؛ سەعات (2:30)ى پاشنیوەڕۆى سبەینێ سێشەممە لە هۆڵی کتێبخانەی گشتی سلێمانی کۆبونەوەیەک بۆ نوێنەرایەتی لایەنە سیاسیەکان و رێکخراوەکان و میدیاکان و نوێنەری چین و توێژەکان ئەنجام دەدرێت بۆ گفتوگۆکردن و ئامادەسازی بۆ ئەو رێپێوانە.