(سبەی):
بە دروشمی “باشور پشتیوانی بەرخودانی عەفرین دەکات” رێپێوان و گردبونەوەی سەرتاسەری لە هەرێمی کوردستان بۆ پشتیوانی بەرخودانی عەفرین ئەنجامدەدرێت.
کۆنگرەی نەتەوەیی کوردستان (K.N.K) بە بەشداری و هەماهەنگی لایەنە سیاسیەکان و رێکخراوەکانی کۆمەڵی مەدەنی و زانایانی ئاینی و سەرجەم پێکهاتەو چین و توێژەکان، رێپێوان و گردبونەوەیەکی نیشتیمانی و نەتەوەیی لە سەرتاسەری باشوری کوردستان بۆ پشتیوانی بەرخودانی عەفرین سازدەکات.
رێپێوان و گردبونەوەکە بە دروشمی “باشور پشتیوانی بەرخودانی عەفرین دەکات” سەعات (2)ی پاشنیوەڕۆی رۆژی شەممە 24-2-2018 لە شارەکانی (هەولێر، سلێمانی، هەڵەبجە، رانیە، قەزای سۆران، کۆیە، کەلار) بەڕیوەدەچێت.
